Elimizde saılaý naýqany kezinde ishki ister organy qyzmetkerleri kúsheıtilgen rejimde jumys istep jatyr. Bul týraly QR Ishki ister mınıstriniń orynbasary Arystanǵanı Zapparov málim etti, dep habarlaıdy Egemen.kz
«Saılaý ýchaskeleriniń basym bóligi óz jumysyn aıaqtady. Daýys berý aıaqtalǵan óńirlerde jergilikti komıssııa bıýlletenderdi sanaýǵa kirisip ketti. Ishki ister organdarynyń qyzmetkerleri kúsheıtilgen rejimdegi qyzmeti jalǵastyrýda. Olar qoǵamdyq tártipti saqtaýmen qatar, saılaý ýchaskelerindegi bıýlletender men hattamalardyń aýdandyq, oblystyq komıssııalarǵa esh kedergisiz jetkizilýin qamtamasyz etti. Daýys berý kezinde saılaý ýchaskelerinde túsinispeýshilik týǵyzǵan túrli oqıǵalardy eskermegende, aıtarlyqtaı zańbuzýshylyqtar tirkelgen joq», dedi Arystanǵanı Zapparov Ortalyq kommýnıkasııalar qyzmetinde onlaın ótken baspasóz máslıhatynda.
Vıse-mınıstrdiń aıtýynsha, azamattardyń tynyshtyǵyn saqtaý jáne qoǵamdyq tártiptiń qaýipsizdigin qamtamasyz etý maqsatynda tártip saqshylary óz qyzmetin odan ári jalǵastyrady.