Qazaqstannyń 6 oblysynda aýa raıyna baılanysty eskertý jarııalandy, dep habarlaıdy Egemen.kz «Qazgıdromet» RMK-na silteme jasap.
Kásiporynnyń boljamyna qaraǵanda, 12 qańtar kúni Soltústik Qazaqstan oblysynda qar jaýady. Keı jerlerde burqasyndatyp, shyǵystan, soltústik-shyǵystan jyldamdyǵy sekýndyna 15-20 metrge jetetin jel soǵady, kúndiz ekpini 23-28 m/s bolady.
Petropavlda 12 qańtarda burqasyn bolady. Shyǵystan, soltústik-shyǵystan jel soǵyp, kúshi sekýndyna 15-20 metrge, kúndiz ekpini 23-28 m/s-qa jetedi. Aýa raıy boljamynyń dáldigi 90-95%. Qostanaı oblysynyń keı jerlerinde tuman túsip, jaıaý burqasyn soǵady. Soltústikten jel soǵyp, keı jerlerde jyldamdyǵy sekýndyna 15-20 metrge jetedi. Aýa raıy boljamynyń dáldigi 90-95%.
Batys Qazaqstan oblysynyń keı jerlerinde jáne Oral qalasynda tuman túsedi. Aýa raıy boljamynyń dáldigi 85-90%. Aqmola oblysynyń basym bóliginde qar jaýady. Keı jerlerinde burqasyn, tuman bolady. Ońtústik-batystan soǵatyn jel soltústik-batysqa aýysady, kúshi keı jerlerde sekýndyna 15-20 metrge jetedi, ekpini 25 m/s bolady. Kókshetaýda jaıaý burqasyn soǵyp, tuman túsedi. Ońtústik-batystan soǵatyn jel soltústik-batysqa aýysady, túnde jáne tańerteń ekpini 15 m/s bolady.
Shyǵys Qazaqstan oblysynyń keı jerlerinde jaıaý burqasyn bolady. Ońtústik-shyǵystan soǵatyn jel ońtústik-batysqa qaraı oıysady, keı jerlerde jyldamdyǵy sekýndyna 15-20 metrge jetedi, túnde ekpini 25 m/s bolady.
Qaraǵandy oblysynyń keı jerlerinde tuman túsip, burqasyn bolady. Jel ońtústik-batystan, batystan soǵady, keı jerlerinde jeldiń jyldamdyǵy sekýndyna 15-20 metr, ekpini 23-28 m/s bolady. Qaraǵandada burqasyn bolady, jel ońtústik-batystan, batystan soǵyp, kúndiz ekpini 15-20 m/s-qa jetedi. Aýa raıy boljamynyń dáldigi 70-75%.