Máskeýge koronavırýstan qorǵaýǵa arnalǵan 10 mıllıonǵa jýyq qoldanylǵan medısınalyq qolǵapty jetkizý faktisi boıynsha qylmystyq is qozǵaldy, dep habarlaıdy Egemen.kz
Bul týraly máskeýlik prokýratýranyń baspasóz qyzmeti málim etti, dep habarlaıdy QazAqparat TASS agenttigine silteme jasap. Agenttiktiń habarlaýynsha, sheteldik kompanııa men Jańa Máskeýdegi kommersııalyq uıym arasynda kelisimshart jasalǵan.
Oǵan sáıkes kompanııa Reseıde satý úshin bir rettik vınıldi qolǵaptardy jetkizýi tıis bolǵan. Prokýratýra málimdemesinde kedendik deklarasııalar negizinde 9,9 mıllıonnan astam bir ret qoldanylatyn qolǵap jetkizilgeni aıtylǵan.
Sondaı-aq, ónimder málimdelgen sapaǵa sáıkes kelmeıtini anyqtaldy, qolǵaptar buryn qoldanylǵan bolyp shyqty.
Prokýrorlyq tekserý materıaldary tergeý organdaryna jiberildi. RF QK 30-babynyń 3-tarmaǵy, 236-babynyń 1- tarmaǵy (sanıtarlyq-epıdemıologııalyq erejelerdi buzýǵa áreket jasaý) boıynsha qylmystyq is qozǵaldy. Prokýratýra tergeý nátıjelerin baqylaýǵa aldy.