Almatyda er adam polısııa qyzmetkerlerine kózdi ashytatyn burysh búrikkish qoldandy, dep habarlaıdy Egemen.kz
«7 jeltoqsanda ýchaskelik polısııa ınspektorlary, sondaı-aq ıývenaldy polısııa ınspektorlary sot sheshimin oryndaý maqsatynda ishki ister organy qyzmetkerleri, sot oryndaýshysy jáne qorǵanshylyq jáne qamqorshylyq organynyń ókilimen birge 2016 jyly týǵan kámeletke tolmaǵan qyzdy 1994 jyly týǵan anasynyń úıine aparý maqsatynda barǵan. Osy kezde úıde balanyń 1954 jylǵy atasy bolǵan. Ol polısııa qyzmetkerlerine tap berip, jeke sot oryndaýshylaryna burysh búrikkishin qoldanǵan», deıdi Naýryzbaı aýdandyq polısııa bóliminiń bastyǵy, polısııa podpolkovnıgi Dıdar Ahanov. Almaty qalalyq Polısııa departamenti atalǵan er adam QR Qylmystyq kodeksiniń 380-baby, 1-bólimi boıynsha jaýapqa tartylǵanyn aıtty.
Bul jaǵdaı boıynsha Almaty qalalyq Polısııa departamenti is júrgizedi.