Qyzylorda qalasynda telemunaraǵa shyǵyp, qaıta túse almaı qalǵan jigit qutqaryldy. Bul týraly Qyzylorda oblystyq tótenshe jaǵdaılar departamenti О́rt sóndirý jáne apattyq-qutqarý jumystary qyzmeti habarlady.
Oblystyq tótenshe jaǵdaılar departamentine túngi saǵat 00.23-te 25 jastaǵy jigittiń Negodalov kóshesindegi telemunaraǵa kóterilip, qaıta túse almaı turǵany jóninde habar túsken. Departamentke qarasty jedel qutqarý jasaǵynan 5 qutqarýshy 1 tehnıkamen, 5-inshi órt sóndirý bólimshesinen 2 qyzmetker 1 avtosatymen oqıǵa ornyna dereý jetken.
«Telemunaraǵa úsh qutqarýshy shyǵyp, jigitti 116 metr bıiktikten tómenge túsirdi», – deıdi Qyzylorda oblystyq tótenshe jaǵdaılar departamenti О́rt sóndirý jáne apattyq-qutqarý jumystary qyzmeti ókilderi.