Túrkistan oblysy Jetisaı aýdanynyń dıqandary egistik alqaptaryndaǵy jumystaryn bastap ketti. Egin egýdi erte bastaǵan Atameken, Eralıev aýyl okrýgteriniń dıqandary qazirdiń ózinde jalpy 12 gektar jerge qyryqqabat otyrǵyzyp úlgergen, dep habarlaıdy Egemen.kz oblystyq ákimdiktiń baspasóz qyzmetine silteme jasap.
«Ulman ata» sharýa qojalyǵynyń tóraǵasy Baqyt Qorǵanbaev qyryqqabat kóshetin egýdi jeltoqsan aıynda bastap ketken.
«Bizdiń aýdan erte kóktem shyǵatyn aımaqqa jatady. Jylda aýa raıynyń osyndaı qolaılylyǵyn tıimdi paıdalanyp, egistik jumystaryn erte bastaýǵa qamdanamyz. Qazirgi tańda 2 gektar aýmaqqa qyryqqabat otyrǵyzdyq. О́tken jyly osy jerden 70 tonna ónim alǵanbyz, bıyl 100 tonnaǵa jetkizýdi josparlap otyrmyz», dedi qojalyq ıesi.