Aqtaý qalasynda orys tilinde sabaq beretin muǵalimder jetispeıdi. Atalǵan másele qaladaǵy 25 memlekettik, 8 jekemenshik jáne 1 keshki mektepti túgeldeı qamtyp otyr, dep habarlaıdy Egemen.kz
Mektepterdiń kóbinde bastaýysh synyp, fızıka-matematıka, orys tili men ádebıeti boıynsha 2-3 oryn bos tur. Qalalyq bilim bólimi zeınetke shyqqan ustazdarǵa jáne qazir jumys jasap júrgen muǵalimderge qosymsha saǵat júkteme berý arqyly tyǵyryqtan shyǵýǵa tyrysyp jatyr. Sondaı-aq ózge aımaqtardan JOO bitirgen jas mamandar shaqyrtýmen kelip jatyr.
«Qalamyzǵa, óńirimizge jaqyn batys aımaqtardan muǵalimderdi shaqyrtý jumystary byltyrǵy oqý jylynan beri júrgizilip kele jatyr. Byltyrdyń ózinde 25 maman shaqyrtyldy. Bıylǵy oqý jylynda sol 25 maman bilim bólimine qarasty damytý ortalyǵy balansyndaǵy 31b shaǵynaýdan 25-ǵımarattaǵy jataqhanaǵa ornalastyryldy. Bul jumys is-shara josparyna sáıkes ári qaraı jalǵasady», deıdi Aqtaý qalalyq bilim bóliminiń sektor meńgerýshisi Baǵdat Turǵanbaeva.
Bolashaq ustazdardy qoldaý sharalary bıyl da jalǵasady. О́tken jyly Mańǵystaý oblysy ákiminiń grantymen 39 jas túlek joǵary oqý ornyna tússe, onyń 16-sy pedagogıka mamandyǵyn tańdaǵan.