Qyzylorda oblysynda «Kishi qalalardy damytý» baǵdarlamasy aıasynda bıýdjetten 1 350,9 mln teńge bólinip, bul qarjyǵa 13,9 shaqyrym jol jóndeledi, dep habarlaıdy Egemen.kz
Máselen, Aral qalasynda 5 iri kóshe qaıta jańartylady. Sondaı-aq osy shahardaǵy Áıteke bı kóshesine jol salynady. Munan bólek, Qazaly qalasyndaǵy kóshelerdi qaıta jańartý jumystary bastalady.
О́ńirde «Aýyl el besigi» baǵdarlamasy qaıta jalǵasady. О́tken jyly 8 eldi mekende 60 ınvestısııalyq joba qabyldanyp, aýyl-aýyldarda jol jóndelgen. Nátıjesinde 3278 turǵyn úıge servıstik sý jelisi júrgizilip, 23,2 shaqyrym aýylishilik kóshelerge jaryq ornatylyp, 68,6 shaqyrym kóshe jóndeýden ótken. Al, bıylǵy jyly respýblıkalyq bıýdjetten 9 jobaǵa qarjy bólinip, Qazaly, Qarmaqshy, Syrdarııa, Jalaǵash aýdandarynyń eldi mekendegi kósheler jóndeýden ótedi.