Qazaqstannyń Eýrazııalyq ekonomıkalyq odaqtyń tóraǵalyǵyna kirisýine baılanysty Prezıdent Qasym-Jomart Toqaevtyń EAEO múshe-memleketterdiń basshylaryna joldaǵan Úndeýin soltústikqazaqstandyq kásipkerler qýana qoldap otyr.
Ásirese ondaǵy «...bizdiń elderimizdiń arasyndaǵy ózara saýdada saqtalyp otyrǵan kedergilerdi joıý daýsyz basymdyq bolyp tabylady. Bıznestiń Úkimetter men Eýrazııalyq ekonomıkalyq komıssııadan batyl is-qımyldy kútýi ədil. Eýrazııalyq ekonomıkalyq komıssııanyń aldynda barlyq saýda kedergilerin belsendi de transparentti túrde joıý jəne jańalaryn boldyrmaý, taýarlardyń, qyzmetterdiń, kapıtal men jumys kúshiniń erkin qozǵalysyndaǵy alyp qoıý men shekteýlerdi barynsha qysqartýdy qamtamasyz etý mindeti tur. Monıtorıng pen taldaý ortalyq, óńirlik jəne mýnısıpıaldyq deńgeılerdegi saýda kedergilerin túgel qamtýǵa tıisti. Birinshi kezekte, kúsh-jigerdi ózara saýdaǵa meılinshe teris əser etetin kedergilerge shoǵyrlandyrǵan jón. Import almastyrý jónindegi ulttyq baǵdarlamalar, naryqty óz ónimderimen tolyqtyrý mindetteri Odaqtyń quqyqtyq normalaryn múltiksiz saqtaı otyryp júzege asyrylýǵa tıis» degen talaptar kásipkerlerdiń oılarynan shyǵyp otyr.
«Men Prezıdenttiń Úndeýinde kóterilgen máselelerdi qoldaımyn. Oǵan tipti qýanyshty ekenimdi aıtqym keledi. Endi Eýrazııalyq ekonomıkalyq komıssııa bizdiń elderimizdiń arasyndaǵy saýdada qoldan jasalatyn, ashyq básekelestikke kedergi keltiretin aıaqtan shalýshylyqtardy boldyrmaıtyn shyǵar. Ondaı bógesinder ásirese Reseı tarapynan jasalyp keldi. Sondyqtan Eýrazııalyq ekonomıkalyq komıssııa osy eldegi aıtylǵan baǵyttaǵy jumysyn jandandyrýǵa tıisti degen úmitimiz bar», deıdi «Leontev» JShS bas dırektory Sergeı Leontev. Onyń fırmasy Petropavlda jıhaz jasaýmen aınalysady. Reseı naryǵyna eksportqa shyǵarylatyn sapaly jıhazdaryna túrli, jasandy kedergiler keltiriledi eken. Sonyń ishinde qosymsha qun salyǵy eki elde de salynatyny jumysyn tejep kelipti. О́kinishke qaraı, qazirgi indettiń kesirinen fırmasynyń jumysy aqsap tur.
Sapasy joǵary azyq-túlik ónimderin shyǵaratyn «Zenchenko ı K» kommandıttik seriktestiginiń bas dırektory Gennadıı Zenchenko da óziniń Prezıdenttiń Úndeýine rıza bolǵanyn jetkizdi. Onyń kásiporyndarynda jasalǵan astyq, et, sút ónimderi Qazaqstannyń barlyq iri qalasyna shyǵarylady. 1997 jyldan beri naryqtyń talaı qıyndyǵyna ılikpeı, tek damýmen kele jatqan kompanııanyń ásirese sút ónimderi qandaı básekelestikke bolsyn tótep bere alatyndaı joǵary sapaly. Alaıda olardy Reseı naryǵyna shyǵarýda ondaǵy básekelester birshama jasandy kedergiler týdyryp, bir kezde úlken daý da týǵan edi. Sony esine alǵan kásipker endi EAEO-nyń jańa tóraǵasynyń Úndeýine úlken úmit artyp otyr.
Soltústik Qazaqstan oblysy