Saıajaıda bolǵan myna urlyqty estı bastaǵanda araqqa salynǵan kezbelerdiń isi dep oılap qalǵanbyz. О́ıtkeni elý kg-daı bolatyn shoıyn vanna men temir kereýetti temir qaldyqtaryn jınaıtyndarǵa solar ótkizbese basqa adam áýre bola qoımas dep oılaǵanbyz.
Sóıtse, ony istegen «Mitsubishi Delica» avtomashınasy bar qalanyń 50 jastaǵy turǵyny bolyp shyqty. Qandaı qunsyzdyq deseńizshi, saıajaıdy buzyp kirip, odan zildeı temirlerdi jalǵyz ózi zordyń kúshimen tar mashınanyń ishine artqansha taksıst bolyp kisi tasysa - sol aqshany tabatyn edi ǵoı. Ras, ol buryn osyndaı qylmysymen sottalǵan adam eken. Biraq urlyǵyn qoıǵysy kelmegen. Qazir ústinen taǵy da is qozǵalyp, sotqa deıingi tergep-tekserýlerdiń biryńǵaı tizilimine engizildi.
Al onyń ustalýynda beıne-baqylaý kameralarynyń kómegi kóp boldy. Júrgen joly bir kameradan soń bir kameraǵa túsip otyryp, iz kesýshilerdi onyń úıine alyp kelgen.
«Beınebaqylaý – qylmystardyń aldyn alýdaǵy jáne olardy ashýdaǵy eń tıimdi quraldardyń biri. Petropavlda 2020 jyldyń 1 qarashasynan búgingi kúnge deıin saıajaı ýchaskelerinde 6 qylmys tirkeldi. Jeltoqsan aıynda «Nadejda» qaýymdastyǵynyń kúzetshisi qylmystyń jolyn kesken. Qylmyskerlerdi saıajaıda ıelerimen qaldyrylǵan qural-saımandar, turmystyq zattar men metaldan jasalǵan zattar qyzyqtyrady, - deıdi oblys ortalyǵyndaǵy PB krımınaldyq polısııa bólimi bastyǵy, polısııa podpolkovnıgi Darhan Zııafıddın».