Oblys ákimi Gúlshara Ábdiqalyqovanyń tóraǵalyǵymen ótken májiliste óńirdegikásipkerler palatasynyń dırektory Ǵalymbek Jaqsylyqov salany damytýǵa qatysty usynystaryn aıtty.
Palata basshysy májiliste aımaqta kásipkerlik salasyn damytýda agroónerkásiptik keshenniń mańyzdylyǵyna toqtala otyryp, birneshe máselekóterdi.
«Sý máselesiniń túpkilikti sheshilýi aımaqta aýylsharýashylyq óndirisin keshendi damytýǵamúmkindik beredi. Sol sebepti «Syrdarııa ózeniniń arnasyn retteý jáne Aral teńiziniń soltústik bóligin saqtaý» jobasynyń 2-kezeńin júzege asyrýdy atalmysh baǵdarlamaǵa qosý qajet dep esepteımiz», - dedi Ǵalymbek Jaqsylyqov
Palata dırektory aımaqta «Agropark» qurýǵa baılanysty da oıyn jetkizdi. Y.Jaqaev atyndaǵy Qazaq kúrish sharýashylyǵy ǵylymı-zertteý ınstıtýty oblystaǵy egis alqaptaryn ártaraptandyrý baǵytynda kóptegen joba daıyndaǵan. Onyń ishinde sýdy az qajet etetin, paıdasy mol daqyl túrlerin egý jaıly usynystar da bar.
«Instıtýt tájirıbesin oblysta taratý qajet dep esepteımiz. Bul daqyldar oblysymyzda keń taramaǵandyqtan, sáıkestendirilgen tehnıkalar jáne sol daqyldardy egip kórgen ǵalymdardyńkómegine júginip, ınstıtýt bazasynda «Agropark» qurýdy usynamyz», - dedi palata basshysy.
Májilis qorytyndysymen oblys ákimi tıisti sala basshylaryna zerttep, júzege asyrý tetikterin qarastyrýdy tapsyrdy.