Kóriný múmkindigin tómendetken qatty borannan «Jezqazgan – Petropavl» avtojolynyń 956 shaqyrymynda tórt kólik bir-birine soǵyldy, dep habarlaıdy Egemen.kz
Kólikterdiń jyldamdyǵy tómen bolǵandyqtan, zardap shekkender joq. Biraq avtomashınalarǵa ájeptáýir zaqym keldi. Aldymen, synyp, apatty shamyn jaǵyp jol shetinde turǵan Volkswagen kóligine arttan kelip Nissan Juke soǵylǵan. Onyń ózin qatty kelip qalǵan artynda jaqyn kele jatqan Mercedes-Benz soqqan. Qatty soqqydan Nissan Juke qarama-qarsy jolǵa shyǵyp ketip, Toyota Land Cruiser Prado-ǵa soǵylǵan. Arttan soqqan Nissan Juke men Mercedes-Benztiń júrgizýshilerine qatysty ákimshilik hattama toltyrylyp, sheshim qabyldaý úshin sotqa joldanady.
Byltyr SQO aýmaǵynda 238 JKO tirkelip, onyń nátıjesinde 37 adam qaza bolyp, 315 adam túrli jaraqat alǵan. Al qańtar aıynda 7 JKO tirkelip, bir adam qaza boldy jáne jeti adam jaralandy.