Búgin Úkimettiń keńeıtilgen otyrysynda Memleket basshysy Qasym-Jomart Toqaev koronavırýsqa qarsy qazaqstandyq vaksınany saldyratynyn málimdedi, dep habarlaıdy Egemen.kz
«Ony sapaly ótkizý úshin barlyq jaǵdaıdy jasaý kerek. Vaksınalaý boıynsha naýqan uıymdastyrylǵan tártipte ótýi kerek. Úkimetke ákimdermen birlese tolyqqandy daıyndyqty qamtamasyz etip, 1 aqpannan jappaı vaksınalaýǵa kirisýge tapsyramyn», dedi Memleket basshysy.
Sonymen qatar Prezıdent otandyq vaksınany testileýdiń ońtaıly nátıjesine senim artatynyn tilge tıek etti.
«Osy jaǵdaıda ol jaqsy nátıjeler kórsetse, men dál osy qazaqstandyq vaksınany saldyramyn», dedi Prezıdent.