Qostanaı oblysynda COVID-19 synamalaryn zertteıtin jyljymaly shaǵyn zerthanalar jumys isteı bastady, dep habarlaıdy Egemen.kz
Elimizde mundaı 8 zerthana bar eken. «Ulttyq saraptama ortalyǵynyń» ortalyq apparaty sonyń birin Qostanaı oblysyna jiberip otyr.
"25-qańtardan beri Denısov aýdanyndamyz, munda 27 qańtarǵa deıinbolamyz. Basty maqsatymyz – Jitiqara, Qamysty, Denısov aýdandarynyń aýrýhanalarynan ákelingen COVID-19 synamalaryna zertteý júrgizý. Jitiqara aýdanynda bizdiń eki vırýsolog dárigerimiz issaparda júr. Olar zertteý jumystaryn júrgizip, jergilikti dáriger-laboranttardy zertteý daǵdysyna úıretedi. О́ıtkeni Denısov aýdanynan keıin zerthana kesheni Jitiqaraǵa bet alady", dedi ulttyq saraptama ortalyǵy oblystyq fılıalynyń dırektory Baýyrjan Kópjasarov.
KamAZ zaýytynda jasalǵan tirkemesi bar jyljymaly zerthana kesheni táýligine 300-ge deıin zertteý júrgize alady. Kólik-zerthananyń ózinde DNK jáne RNK jasýshalaryn avtomatty túrde anyqtaıtyn qurylǵylar ornalasqan birneshe boks bar. Al tirkemesinde dárigerlerge arnalǵan as bólmelesi men tynyǵý bólmesi ornalasqan.
"Bizdiń mamandarymyz Almaty qalasynda arnaıy daıarlyqtan ótti.Odan keıin dárigerler laboratorııada qalaı jumys isteý kerektigin úırendi. Jyljymaly keshen jumys isteýge óte yńǵaıly", dedi vırýsologııa zerthanasynyń meńgerýshisi Qarlyǵash Kenjebaeva.