SQO turǵyny ınternet-alaıaqtardyń aldaýymen nesıe resimdep, birden bar qarajatynan aıyrylǵan, dep habarlaıdy Egemen.kz
SQO turǵyny ınternet-alaıaqtardyń aldaýymen nesıe resimdep, birden bar qarajatynan aıyrylǵan. Onyń 200 myń teńgesin qolǵa túsirý úshin alaıaqtar áıeldi tórt saǵat boıy aınaldyrǵan.
О́zin «bank qyzmetkerimin» dep tanystyrǵan alaıaq «tizilimde aqshalaı qarajatty aýdarý tirkeldi» degen. Sonymen qatar ol jábirlenýshiniń barlyq jeke málimetterinen habardar bolǵan, áńgimeni saýatty júrgizgen: aty-jónin atap, sypaıy sóılesken, bank termınderin qoldana otyryp, senimge ábden kirgen. «Mamannyń» aıtýyna qaraǵanda, jábirlenýshi alaıaqtar rásimdeı bastaǵan nesıeni sońyna deıin rásimdeýi tıis eken, sonda soma naqtylanyp, kartaǵa túsedi. Áıel barlyq nusqaýlardy oryndap, 200 myń teńgege nesıe rásimdegen, aqshany shotqa aýdarǵan. Biraq keıin áıel alaıaqtardyń qurbanyna aınalǵanyn túsinip, polısııaǵa júgingen. Qazirgi ýaqytta krımınaldyq polısııa qyzmetkerleri atalǵan fakti boıynsha qasqóılerdiń júrgen jerin anyqtaý maqsatynda jedel-profılaktıkalyq is-sharalar júrgizýde.
Jalpy jyl basynan 20-dan astam petropavldyq ınternet-alaıaqtardyń quryǵyna túsken. Onlaın-alaıaqtyqtyń 7 faktisi bank aýdarymdarymen baılanysty bolǵan. О́tken jyly oblys ortalyǵynda alaıaqtar 97 jaǵdaıda qala turǵyndarynyń shottarynan aqsha jymqyrǵan.
Polısııa egde jastaǵy adamdarǵa, tanystaryna, týystaryna jáne kórshilerine jeke málimetterin, telefon, áleýmettik jeliler arqyly jiberýge bolmaıtyny týraly túsindirý jumysyn júrgizýde. Birer kún buryn Polısııa basqarmasy men bank qyzmetkerleriniń qatysýymen ótken kezdesýde menedjerler kúdikti aýdarymdar oryn alǵan kezde klıentterge qońyraý shalynbaıtyny týraly eskertti jáne bundaı jaǵdaıda Call-ortalyqtyń nómirine habarlasyp, bank keńselerine barýǵa shaqyrady. «Qala jáne oblys turǵyndaryn jeke málimetterdi, bank kartalary, qujattardyń fotolaryn, sondaı-aq ınternet-bankıng jáne áleýmettik jelilerdiń logın men qupııasózderin eshkimge jibermeýge shaqyrady.