Taýda Almaty qalasynda uıymdastyrylǵan «Men de juldyz bolamyn!» atty respýblıkalyq baıqaýda baq synaǵan qaraǵandylyq jas ánshi Asylaıym Bolatqyzy júldeli ekinshi oryn alyp, Túrkııada ótetin halyqaralyq konkýrstyń joldamasyna ıe bolady, dep habarlaıdy Egemen.kz.
Qaraǵandydaǵy kenshiler mádenıet saraıy janyndaǵy «Shabyt» estradalyq vokal úıirmesiniń múshesi Asylaıym úshin bul alǵashqy jetistik emes. О́nerli búldirshin buǵan deıin de rýspýblıkalyq jáne halyqaralyq konkýrstarǵa qatysyp, birneshe márte laýreat atanǵan.
Almatyda ótken baıqaýda qaraǵandylyq ánshi qyz Shómishbaı Sarıevtiń sózine jazylǵan Keńes Dúısekeevtiń «Sálem saǵan týǵan el» ánin oryndap, qazylar alqasynyń yqylasyna bólendi.
Sonymen birge, Asylaıym Bolatqyzynyń ustazy, «Shabyt» estradalyq vokal úıirmesiniń jetekshisi Erbolat Mahanbet atalǵan konkýrstyń jabylý saltanatynda qazaq óneriniń damýyna úles qosqany jáne úzdik shákirt daıarlaǵany úshin «Alǵys hatpen» marapattaldy.