Oblystyq polısııa departamentinde ótken jyldy qorytyndylaǵan onlaın otyrys boldy. 2020 jyly barlyǵy 4766 qylmys tirkelgen. Bul aldyndaǵy jyldan 25%-ǵa azaıdy degen sóz. Polısııa qyzmetinde qylmystyń aldyn alýǵa jáne ashýǵa, ásirese aýyr jáne asa aýyr túrlerin ashýǵa erekshe nazar aýdaryldy. Barlyq qylmys túrleriniń sany azaıdy, onyń ishinde adam óltirý, densaýlyqqa zııan keltirý, qaraqshylyq, tonaý bar.
Ishki ister organdary júıesi úshin 2021 jyl quqyq buzýshylyqtardyń aldyn alý jáne «jurtqa jaqyn polısııa» qaǵıdatyn qamtamasyz etý jyly dep jarııalandy. Osy oraıda polısııa júıesiniń sapalyq ózgerýi basym mindet, ıaǵnı servıstik, ashyq bolýy jáne adamdardyń ótinishterine jedel den qoıý qajet ekeni aıtyldy.
«Basshylardan ár qyzmetkerge qyzmettik jáne áskerı tártipti buzǵandarǵa eshqandaı aıaýshylyq bolmaǵanyn jáne bolmaıtynyn jetkizýdi suraımyn. Bul elimizdiń basshylyǵynyń, mınıstrimizdiń ustanymy jáne meniń jeke pikirim. Men sizderge zań sheńberinde ózimizdiń qatarymyzdy laıyqsyz qyzmetkerlerden tazartý jónindegi jumysty jalǵastyrý úshin barlyq ókilettikterdi beremin», dedi óziniń sózinde PD bastyǵy, polkovnık Marat Tólebaev.
Otyrysta ózderi basshylyq etetin bólinistiń jumysyndaǵy kórsetkishterdiń tómendeýine jol bergen basshylar tyńdaldy. Aldaǵy jyly polısııa qyzmetine sıfrlandyrýdy, «halyq únine qulaq asatyn memleket» tujyrymdamasynyń qaǵıdattaryn senimdi engizý boıynsha kóptegen jumys kútip tur.