Búgin «Otandastar qory» KeAQ Mınsk qalasynyń mektep dırektorlaryna «Onlaın-synyp» jobasyn tanystyrdy, - dep habarlaıdy Egemen.kz
«Otandastar qory» KeAQ Sheteldegi otandastardy qoldaý departamentiniń menedjeri Aljan Sharıpov pen «Til-Qazyna» Ulttyq ǵylymı zertteý ortyǵy» KeAQ mamany Ásııa Danııarqyzy Mınsk qalasynyń mektep dırektorlaryna «Onlaın-synyp» jobasyn tanystyrdy. Tanystyrylymǵa Mınsk qalasy Zavodskoı aýdany ákiminiń orynbasary Zelenka Elena , Qazaqstan Respýblıkasy Elshiliginiń Keńesshi-Ýákili Aman Qaırat jáne Mınsk qalasynyń 32 mektep dırektory qatysty. Búginde Belarýs Respýblıkasynda 1 myńnan asa qazaq turady (2019 jylǵy derek boıynsha). Sondaı-aq, táýelsizdik jyldary Qazaqstannan kóship barǵan slavıan ulttary bar. Olardyń qazaq tiline, ultyna, Qazaqstanǵa zor qurmetpen qaraıtynyn aıtýǵa bolady.
«Otandastar qory «Onlaın-synyp» jobasy arqyly shetelderde turatyn qazaqtarǵa qazaq tilin úıretýdi qolǵa alǵan bolatyn. 2020 jyly jalpy 333 onlaın sabaq ótkizildi. 2021 jyly qazaq tilin úıretý kýrsy aqpan aıynan bastalady. Qazaq tilin aǵylshyn, orys, túrik jáne parsy tilderinde úıretý josparlanyp otyr», dep málimdedi jobalar koordınatory Bolat Dıdar myrza.
Esterińizge sala keteıik, 2020 jylǵy 20 qarashada Mınsk qalasyndaǵy M. Áýezov atyndaǵy №143 orta mektebinde Ál-Farabı atyndaǵy qazaq tilin, tarıhy men ádebıetin oqytý kabıneti ashylǵan bolatyn. Joba Qazaqstannyń Belarýs Respýblıkasyndaǵy Elshiligi jáne «Otandastar qory» KeAQ qoldaýymen júzege asty.