Soltústik Qazaqstan oblysynyń aýmaǵynda sý tasqynyna qatysty jaǵdaı SQ TJ Departamenti jáne jergilikti atqarýshy organdardyń turaqty baqylaýynda, dep habarlaıdy Egemen.kz.
Aldaǵy sý tasqyny kezeńine daıyndyq aıasynda Aqqaıyń, Taıynsha, Shal aqyn, Ǵ. Músirepov, Aıyrtaý, M.Jumabaev, Tımırıazev jáne Esil aýdandarynda jumys saparymen SQO TJD bastyǵynyń orynbasary, maıor Murat Qanǵojınov bolyp qaıtty. Ol sý tasqynyna qarsy is – sharalardy ótkizý boıynsha aýdan ákimderimen jáne jaýapty tulǵalarmen kezdesip, pikir almasty. Kezdesýlerde aýdan aýmaǵynda sý tasqynynyń qaýipsiz ótýiniń ózekti máseleleri, jergilikti atqarýshy organdardyń, azamattyq qorǵaý qyzmetteri jáne qurylymdarynyń TJ aldyn alýǵa, sondaı – aq halyqtyń qaýipsiz tynys – tirshiligin qamtamasyz etýge daıyndyǵy talqylandy.
Sondaı-aq Taıynsha aýdanynyń Shaǵaly ózenindegi sý ótkizý qurylystaryn, Aqqaıyń aýdanynyń Smırnovo, Rýblevka, Aralaǵash, Shal aqyn aýdanynyń Aqanbaraq jáne Gorodeskoe aýyldarynyń qorǵanysh úıindilerin, Ǵ.Músirepov aýdanyndaǵy «Ekaterınbýrg-Almaty» avtojolynyń 769 shaqyrymynda Esil ózeni arqyly ótetin apatty kópir tekserildi.
«Tek ýaqytyly qabyldanǵan sharalar ǵana halyqty senimdi qorǵaýǵa, yqtımal TJ damýyna jol bermeýge qabiletti. Eń bastysy – sý tasqyny qaýpin azaıtyp, aýyldardyń qalypty tirshiligin qamtamasyz etý», deıdi Murat Qanǵojınov.