О́tken jyly jeltoqsanda Besqaraǵaı aýdandyq ıývenaldy polısııa qyzmetkerleri úsh qyzy bar 33 jastaǵy aýdan turǵynynyń turmystyq jaǵdaıyn teksergen, dep habarlaıdy Egemen.kz.
«Otbasynda eki, alty jáne segiz jastaǵy balalarǵa jaǵdaı jasalmaǵanyn kórdik. Úıi sýyq, azyq-túlik joq, tazalyqqa kóńil bólinbegen», deıdi Besqaraǵaı aýdandyq polısııa bóliminiń bastyǵy Talǵat Temirbekov.
Kórshileriniń aıtýynsha, analary ishedi. Sońǵy ýaqytta shekten shyǵyp ketken. Al, kishkentaı qyzdar úshin bul úıde qalý qaýipti.
«Sondyqtan ıýnevaldy polısııa qyzmetkerleri Besqaraǵaı aýdandyq qorǵanshylyq jáne qamqorshylyq bólimimen birlesip, balalardy úıden oqshaýlaý týraly sheshim shyǵardy. Úlken qyzdardy Semeıdegi kámiletke tolmaǵandardy beıimdeý ortalyǵyna jiberdik. 2 jasar qyz Semeıdegi balalar úıine tapsyryldy. Balalarmen dárigerlerdiń qaraýynda. Jaǵdaılary jaqsy», - dep atap ótti Talǵat Temerbekov.
«Quqyq buzýshylyqtardyń aldyn alý jáne balalardyń qadaǵalaýsyz, panasyz qalýynyń aldyn alý týraly» 09.07.2004 jylǵy QR Zańynyń 11-baby 4-tarmaǵy negizinde kámeletke tolmaǵan balalardyń anasyna qatysty tıisti materıal jınalyp, ata-ana quqyqtarynan aıyrý úshin is sotqa jiberildi.