Keshe Rıdder polısııa bóliminiń «102» jedel arnasyna qalalyq aýrýhana medbıkesinen 70 jastaǵy turǵyn dene jaraqattarymen travmatologııa bólimine júgingeni jóninde habarlama tústi.
Oqıǵa ornyna tez arada jedel-tergeý toby jiberildi. Jábirlenýshiniń aıtýynsha, 14 qańtarda shamamen keshki saǵat ondar shamasynda, úıine betperde kıgen belgisiz eki er adam kirip, soqqyǵa jyqqan. Sodan keıin bar-joǵy 7000 teńge aqshasyn urlap ketken.
- Jedel izdestirý is-sharalary barysynda Rıdder qalasynyń krımınaldyq polısııa bóliminiń qyzmetkerleri, ShQO polısııa departamentiniń krımınaldyq polısııa basqarmasynyń qyzmetkerlerimen birlesip, 33 jáne 44 jastaǵy kúdiktilerdi ustady. Qylmyskerler óz kinásin moıyndady, - dedi ShQO PD bastyǵy Saǵat Madıev.Qylmyskerler Rıdder qalasynyń PB-nyń ýaqytsha ustaý ızolıatoryna qamaldy.QR QK 192-baby 3-bólimi (Qaraqshylyq) boıynsha sotqa deıingi tergeý amaldary bastaldy.