Kıberqylmyskerler aıla-tásilderin túrlendirýde, – dep habarlaıdy Egemen.kz.
66 jastaǵy petropavldyq aqyr sońyna deıin qaskóıge senbegenimen, 2 mıllıon 700 myń teńge qarajatynan báribir aıyrylǵan. О́zin telefonmen banktiń qaýipsizdik qyzmetiniń qyzmetkerimin dep tanystyryp, klıenttiń shotynan belgisiz bireý iri kólemdegi somany almaq bolyp jatyr degen alaıaqqa ol uzaq ýaqyt senbese de qylmysker klıenttiń shotynda jatqan barlyq somany jáne onyń sońǵy ýaqytta qandaı qarjy operasııa jasaǵany týraly aıtyp, arbaýyna túsirgen. Bul sózderge sengen er adam pın-kodyn jaıyp salyp, bar jıǵan-tergen qarajatynan bir-aq aıyrylǵan. Osydan keıin-aq bul iske bank qyzmetkerleriniń qatystylyǵy kórinip tur, alaıda bizdiń pınkertondardyń olarǵa tisi bata almaı-aq qoıdy...
Atalǵan fakti boıynsha Qylmystyq kodekstiń 190-babymen qylmysty is qozǵaldy. "Bul jaǵdaı birli-jarym emes. Bizge alaıaqtardyń qupııa aqparatqa qandaı jolmen qol jetkizgenin tabý qajet», deıdi Ekinshi PB bastyǵy, polısııa podpolkovnıgi Rýslan Syzdyqov.