Polıseıler 25 keli marıhýana saqtaǵan Kúrshim aýdanynyń turǵynyn ustady, dep habarlaıdy Egemen.kz
14 qańtarda krımınaldyq polısııa qyzmetkerleri Kúrshim aýdanynyń sharýa qojalyqtarynyń biriniń aýmaǵynda jedel tintý barysynda quramynda spesıfıkalyq ıisi bar ósimdik tektes úsh qap, sondaı-aq esirtki zattaryn qoldanýǵa arnalǵan qoldan jasalǵan quraldar tárkilendi.
– Jedel-izdestirý is-sharalarynyń nátıjesinde qojalyqtyń 28 jastaǵy jumysshysy 2020 jyldyń jazynda bul zatty mańaıdan terip alǵany anyqtaldy. Ony ózi paıdalaný úshin saqtadym dep túsindirdi. Sot-hımııalyq saraptama nátıjelerine sáıkes, qaptardaǵy saqtalǵan zat – marıhýana, salmaǵy 24 866 gr, – dedi ShQO PD bastyǵy Saǵat Madıev.
Atalǵan fakti boıynsha QR QK-niń 296-babynyń 4-bóligi (esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) boıynsha sotqa deıingi is júrgizý bastaldy.