Oqıǵa 31 qańtarda keshki ýaqytta boldy. Ulttyq ulan jaýyngerleri Petrov kóshesinde patrýldik qyzmetin atqaryp júrgende olarǵa bir azamatsha kelip, joǵalǵan ákesin taýyp berýdi ótingen, dep habarlaıdy Egemen.kz
Onyń aıtýynsha, er azamattyń este saqtaý qabiletinen syrqaty bar jáne sol kúni tańertesin úıden shyqqan kúıi qaıta oralmaǵan eken.
Ulandyqtar joǵalǵan azamattyń túr-sıpatyn anyqtap, qoǵamdyq tártip kúzetinde júrgen barlyq patrýldik toptarǵa habarlaıdy. Araǵa bir saǵat salyp, kórshi marshrýttan jaǵymdy habar kelip túsedi. Áskerı jasaq bastyǵy qatardaǵy Erǵazy Aısabaev patrýlshiler qatardaǵy Ábdimájit Májit jáne Beksultan Qarlybaevtar sıpattaǵan azamatqa uqsas egde adamdy tapqandary týraly baıandaıdy. Álgi azamat avtobýs aıaldamasynda turǵan eken.
Ulandyqtar mán-jaıdy anyqtap, joǵalǵan azamatty úıine aparyp, qyzyna tapsyrady. О́z kezeginde azamatsha Ulttyq ulan jaýyngerlerine kórsetken kómegi úshin alǵysyn bildirdi.