Sybaılas jemqorlyqqa qarsy is-qımyl agenttiginiń bastamalaryn iske asyrýdy jalǵasy retinde vedomstvonyń jyldyq alqa otyrysynda aıtylǵan sybaılas jemqorlyqqa qarsy jobalar jónindegi Basqarýshy komıtet quryldy, dep habarlaıdy Egemen.kz
Komıtetke Agenttiktiń barlyq jobalarynyń qyzmetin úılestirý men múddeli memlekettik organdarmen jáne jurtshylyqpen nátıjeli ózara is-qımyldy nyǵaıtý bekitilgen.
Mundaı tájirıbe buryn memlekettik organdarda qoldanylǵan joq. Bul tásil sybaılas jemqorlyqqa qarsy is-qımyldyń túıindi kórsetkishteri men maqsattaryna qol jetkizýge jáne qoǵamda parasattylyq ıdeologııasyn ilgeriletýge baǵyttalǵan jobalyq mindetter men is-sharalardy iske asyrýdy jańa sapaly deńgeıge shyǵarýǵa múmkindik beredi.
Agenttiktiń sybaılas jemqorlyqqa qarsy jobalarynyń qataryna «Adaldyq alańy», «Adal kómek», «Ashyq bıýdjet», «Adal farm», «Sanaly urpaq», «Adal jol», «Sapaly jol», «Protecting Business and Investments» jáne «Sıfrlyq sybaılas jemqorlyqqa qarsy qyzmet» sııaqty bastamalar kiredi.
Komıtet basshysy bolyp 2017 jyldan bastap Prezıdent janyndaǵy Memlekettik basqarý akademııasynyń jobalyq menedjmentti damytý ortalyǵyn basqaratyn Janar Taıjanova (R2M, IPMA, PRINCE 2 Practitioner sertıfıkattalǵan jobalyq menedjeri, ISO 21500 sarapshy-aýdıtory) taǵaıyndaldy.
Komıtet janynda qoǵamnyń belsendi ókilderi men joǵary bilikti salalyq mamandar men sarapshylar qatarynan saraptamalyq keńes jumys isteıtin bolady. Olardyń qatysýy birqatar baǵyttar men salalarda sybaılas jemqorlyqpen baılanysty eleýli problemalarǵa jobalardyń naqty nazary aýdarylýynyń ózektiligin arttyrady.