Búgin Májilistiń jalpy otyrysynda birqatar depýtat ant berdi, dep habarlaıdy Egemen.kz
Májilis tóraǵasy Nurlan Nyǵmatýlın: «Konstıtýsııamyzǵa sáıkes Parlamenttiń depýtattary Qazaqstan halqyna ant beredi. Atalǵan áriptesterimiz belgili sebeptermen bizdiń birinshi jalpy otyrysymyzǵa qatysa almady. Osyǵan baılanysty qazir Qazaqstan halqyna ant berý úshin Májilis depýtattary, ıaǵnı Berik Ábdiǵalıuly, Anatolıı Boıchın, Iýrıı Jýlın, Vera Kım, Iýlııa Kýchınskaıa, Aıgúl Quspan shaqyrylady», dep aıtyp ótti.
«Qazaqstan halqyna adal qyzmet etýge, Qazaqstan Respýblıkasynyń tutastyǵy men Táýelsizdigin nyǵaıtýǵa, onyń Konstıtýsııasy men zańdaryna qatań baǵynýǵa, depýtattyń ózime júktelgen mártebeli mindetin adal atqarýǵa ant etemin», dedi depýtattar Májilistiń jalpy otyrysynda.