Nur-Sultan qalasynda jaıaý júrginshiler ótkelin proeksııalyq jaryqtandyrýdyń synaq jobasy iske qosyldy. Ýchaske jol qozǵalysy qaýipsizdigin qamtamasyz etý boıynsha keshendi jospar tarmaqtaryn oryndaý aıasynda tańdaldy, dep habarlaıdy Egemen.kz
Mamandandyrylǵan jaryqtandyrý Qabanbaı batyr dańǵyly men Atasý kóshesiniń qıylysynda ornatyldy. Bul jerde jol qozǵalysynyń aýqymdylyǵy aıtarlyqtaı baıqalady.Tańdalǵan oryn qarańǵyda úsh jaryqdıodty proektordyń arqasynda erekshe kózge túsedi. Aýa raıynyń kez kelgen túrinde avtokólik júrgizýshileri men jaıaý júrginshiler jolda aq-sary jaıaý júrginshiler zebrasyn anyq kóre alady.
«Eger jaryqtandyrýdyń bul túri óziniń tıimdiligi men senimdiligin kórsetse, tehnologııa qalada avarııalyq qaýipti bolyp sanalatyn jol ýchaskelerinde qoldanysqa engizilýi qarastyrylatyn bolady», dep atap ótti Nur-Sultan qalasynyń Kólik jáne jol-kólik ınfraqurylymyn damytý basqarmasynda.