Djons Hopkıns ýnıversıtetiniń málimeti boıynsha pandemııa bastalǵannan beri AQSh-ta COVID-19-dan 450 myńnan astam adam qaıtys boldy, dep habarlaıdy Egemen.kz
Tek 2021 jyldyń basynan beri 100 myńnan astam ólim jaǵdaılary tirkelgen. 330 mıllıonǵa jýyq halqy bar elde KVI-di 26,5 mıllıonnan astam adam juqtyrǵan.Germanııanyń densaýlyq saqtaý mınıstri Iens Span eldegi epıdemııaǵa qarsy sharalardy jeńildetý múmkindigi týraly málimdedi. «Biz qys boıy qatań lokdaýnda bola almaımyz», dedi densaýlyq saqtaý mınıstri.
Eń aldymen, mektepter men mektepke deıingi mekemelerdi ashý jaıynda baıandady. «Kelesi aptada bul 15 aqpannan keıin nemese sál keshirek bolatynyn anyqtaımyz», dedi mınıstr. Túrkııada koronavırýstyń eki jańa shtammdary tabyldy. Bul týraly Densaýlyq saqtaý mınıstri Fahrettın koja málimdedi.
«Bizdiń elde brıtandyq shtammnan basqa, ońtústik afrıkalyq shtammynyń eki jaǵdaıy jáne brazılııalyq túriniń bir jaǵdaıy tirkelgen», dedi ol. Túrkııada koronavırýs ınfeksııasy 2 mıllıon 259 myń adamda rastalyp, 26,3 myń naýqas qaıtys bolǵan.Chehııada pandemııa bastalǵannan beri COVID-19 juqtyrǵandardyń sany 1 mıllıon adamnan asty. Osylaısha, 10,7 mıllıon halqy bar elde halyqtyń shamamen 10 paıyzy indetke shaldyqqan. Sońǵy táýlikte SARS-CoV-2 juqtyrýdyń 9 057 jańa jaǵdaıy anyqtalǵan, 16 683 adam qaıtys bolǵan. Aýstralııa premer-mınıstri Skott Morrıson COVID-19 vaksınasynyń qosymsha 10 mıllıon dozasyn satyp alatynyn aıtty. Bılik halyqty vaksınalaýdy aqpan aıynyń sońynda bastamaq, apta saıyn 80 myń dozaǵa deıin egý josparlap otyr.