Qyzylorda qalasynda «COVID-19» juqpasyna qarsy ekpe jasaý jumystary qarqyndy júrýde. Oblys ortalyǵynda 3 kún ishinde 340 adam vaksına saldyrǵan. Onyń ishinde 320-sy medısına qyzmetkerleri, qalǵany qarapaıym turǵyndar.
Qalaladaǵy №6 qalalyq emhananyń aǵa meıirbıkesi Lázzat Baıtabynova erikti túrde ekpe alǵandardyń biri.
«Turǵyndarmen jıi qatynasqa túsetindikten medısına qyzmetkerliniń vırýs juqtyrý qaýpi óte joǵary. Sondyqtan dárigerlerdiń ekpe saldyrǵany durys dep esepteımin. Qazirgi tańda osy vaksınasııanyń arqasynda kóptegen derttiń aldyn alýǵa qol jetkizdik. Bul vaksınanyń da koronavırýs ınfeksııasynyń qaýpin seıilterine senimdimin», deıdi ol.
Vaksınasııaǵa qaladaǵy №1, №3 jáne №6 emhanalardan 3 egý kabıneti daıyndalǵan. Mamandar ekpe qabyldaǵandar tarapynan esh shaǵym túspegenin aıtady.