Bıyl Saıran, Aeroport kóli jáne Almatydaǵy Qarasý toǵanyn tazartý josparlanǵan. 2020 jylǵy jeltoqsannan bastap Almatyda úsh sý aıdynynyń túbin tazalaýǵa JSQ ázirlendi, dep habarlaıdy Egemen.kz
Almaty qalasynyń Jasyl ekonomıka basqarmasy 2020 jylǵy jeltoqsannan bastap Saıran sý qoımasy, Aeroport kóli jáne Qarasý shaǵyn aýdanyndaǵy toǵandy mehanıkalyq tazalaýǵa JSQ ázirlenip jatyr. Joba 2021 jyldyń maýsymyna deıin saraptamadan ótedi. Qarajat bólingennen keıin sý aıdyndaryn tazalaý jumysy bastalady.
Tehnıkalyq erekshelikke sáıkes, joba kelesi mindetterdi qamtıdy:
- sý túbin tunba men shógindilerden tazartý;
- jobada jergilikti jaǵdaılarǵa jáne mamandandyrylǵan tehnıkanyń bolýyna baılanysty tazartýdyń neǵurlym qolaıly tásilin (nemese tásilder kombınasııasyn) anyqtaý;
- jaǵalaý syzyǵyn qoqystan tazartý;
- sý aıdyndarynyń túbin jáne jaǵalaý syzyqtaryn ósimdikterden (qamys, baldyr, jabaıy ósindiler) tazartý;
- tunba kóp jınalǵan aımaqtardy tereńdetý (zertteý nátıjeleri boıynsha anyqtaý);
- erozııaǵa jáne shaıylýǵa ushyraǵan jekelegen ýchaskelerde jaǵalaýdy bekitý qurylǵysy.
Jumys jobasynda qamtylady:
- sý obektileriniń ekologııalyq jaı-kúıin qalpyna keltirý, qorǵaý sharalary;
- sý basý jáne sýdyń tirshilik áreketin buzý qaýpi men saldarlaryn azaıtý sharalary;
- gıdrotehnıkalyq qurylystardyń qaýipsiz jumys isteýin qamtamasyz etý;
- sý qoımalarynyń gıdravlıkalyq sıpattamalaryn, uzaq ýaqyt boıy alynǵan oń ózgeristeri saqtaý;
- Aeroport kóliniń sý qorǵaý beldeýin qalpyna keltirý, abattandyrý.