Keıbir eldimekenderde qalyń qardan aıaq alyp júrý múmkin bolmaı qaldy. Glýbokoe aýdany, Avrora stansasynyń turǵyndary qalyń qardan shyǵa almaı, jergilikti ákimdiktiń kómegine júgingen, dep habarlaıdy Egemen.kz.
Olar qar qursaýynda qalǵan stansaǵa azyq-túlik pen medısınalyq preparat kerektigin aıtqan. Qol ushyn berýge tótenshe jaǵdaılar bóliminiń qyzmetkerleri men Krasnoıar aýyldyq okrýgi ákimdiginiń mamandary jolǵa shyqqan.
Mamandar medısınalyq preparattar men azyq-túlik jetkizip ǵana qoıǵan joq, aýdandyq ortalyq aýrýhanasynyń dárigerleri turǵyndar arasynda medısınalyq tekserý de júrgizdi. Sondaı-aq, aýdan basshylyǵy alystaǵy Avrora stansasynyń turǵyndary aldaǵy ýaqytta da nazarda bolatynyn aıtty.