«On eki jasar bala joǵaldy» degen habar Petropavldyń túımedeıdi túıedeı etip ala jóneletin áleýmettik jelilerinde tez tarady. Qazirgi zamanda 12 jasar bala ózdiginen joǵalmasy belgili. Jaman oıly bireýler urlap áketpese nemese ózdiginen úıinen qashyp ketpese shaǵyn qalada ondaı jastaǵy balalardyń joǵalýy múmkin emes.
Adasyp qalǵannyń ózinde kez kelgen «aǵaıǵa» nemese «apaıǵa» aıtyp, sheshesiniń nemese ákesiniń qaltafonyna habarlasa alady. Tipti ondaı jastaǵy balalardyń ózderinde de qaltafon bar. Mektepti qashyqtan oqýdyń sebebinen qazir barlyq ata-analar da balalaryna qaltafon ápergen. Sonda da attandaǵan jelilerdiń áserimen polısııa men volonterler óre túregelgen.
«Joǵaldy» dep habar túskennen keıin bala eki saǵattyń ishinde ǵana tanystarynyń úıinde júrgen jerinen aman tabyldy. Ne úshin «joǵaldy» dep jarııalanǵany, nege úıinen ketkeni týraly esh habar joq, polısııanyń bergen habarynda tek «eki saǵattyń ishinde taptyq» degen ózderiniń jumystaryn asyra kórsetken lep qana bar. Kóringenniń atyn shyǵarý úshin jasap alǵan áleýmettik jelilerine qosylyp, jasandy maqtan, kózboıaýshy erlikti kókirek kere kórsetý - polısııadaı bedeldi organǵa jaraspaıdy-aq...
PETROPAVL