M.Jumabaev aýdanynyń ortalyǵy Býlaev selosynyń mańynda ishimdik ishken VAZ-21099 kóliginiń 35 jastaǵy júrgizýshisi Volvo aýyr júk kóligine soqtyǵysyp, nátıjesinde jeńil mashınanyń jolaýshysy qaza boldy. Al 1989 jyly týǵan ekinshi jolaýshy ortalyq aýdandyq aýrýhanaǵa jetkizildi.
Medısınalyq kýálendirý VAZ-21099 kóligi júrgizýshisiniń masań kúıde bolǵanyn kórsetti.
Atalǵan fakti Sotqa deıingi tergep-tekserýdiń biryńǵaı tizilimine QK 345-baby «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha engizildi. VAZ-21099 kóliginiń júrgizýshisi QPK 128-baby boıynsha ýaqytsha qamaý oqshaýlaǵyshyna qamaldy.
Jalpy, 2021 jylǵy qańtar aıynda SQO joldarynda 6 jol-kólik oqıǵasy tirkeldi, nátıjesinde bir adam qaza taýyp, 7 adam jaraqat aldy.
Soltústik Qazaqstan oblysy