Sońǵy úsh kúnnen beri Soltústik Qazaqstanda aýa raıy «búlinip» tur. Eki kún boıy turǵan jylymyq qardy eritip, aqpannyń aspanyn kóktem kúnine aınaldyryp jiberdi. Aýanyń temperatýrasy 2-3 gradýsqa deıin jylydy.
Mundaı Soltústikte óte sırek bolatyn qubylys. Úılerdiń tóbelerindegi, joldardaǵy juqa qar men muzdaq erip, naǵyz sylpyldaq jaǵdaı týdy.Úılerdiń tóbelerinen qulaǵan qalyń qar men súńgilerdiń jerge kúrt túsýinen adamdardyń jaraqat alýy múmkin ekendigin eskertip, polısııa ata-analar men balalarǵa ákimshilik ǵımarattar men úılerge, basqa da qurylystarǵa jaqyn júrmeýdi aıtýda.
Al keshegi túnnen bastalyp, búgin kúni boıy turǵan qara daýyl qatty aıaz bolmasa da dúrildetip, halyqty qatty mazalaýda. Ázirge birdeńeni ushyryp áketken degen jaman habar joq, biraq halyq qatty alańdaýly. Joldar dereý qatyp, kók muzy jaltyraǵan kóktaıǵaqqa aınaldy. Qaladan shyǵatyn úlken joldar jabylýda.
Qalanyń kommýnaldyq qyzmetteri joldardy muzdan tazalaýda, polıseıler jol-kólik oqıǵalarynyń aldyn alý jumysyn kúsheıtip jatyr. Oblys joldarynda aqpannyń alǵashqy bes kúninde 3 aýyr jol-kólik oqıǵasy oryn aldy, onyń saldarynan 1 adam qaza taýyp, 4 adam jaraqattandy. Tártip saqshylary jyldamdyqty asyrý, manevr jasaý erejelerin buzý sııaqty jol qozǵalysynyń óreskel buzýshylyqtarynyń qazirgi ýaqytta qaýpi artqanyn eskertip, júrginshilerge daýys kúsheıtkishpen de, jaı da eskertýde. Tipti jol qozǵalysy erejelerin qatań ustanǵan kúnniń ózinde apattyq jaǵdaıǵa ushyraý qaýpi joǵary, óıtkeni qara daýyl gabarıti úlken kólikterdi joldan taıdyryp jiberýge bar. Sondyqtan jyldamdyqty azaıtyp, kólik quraldary arasynda ara qashyqtyqty saqtaý qajet. «Jaıaý júrginshilerge joldy kesip ótken kezde saq bolýǵa keńes beremiz. Jolda muz bolǵan kezde kólik birden toqtaı almaıdy. Jaıaý júrginshiler jolaǵyndakenetten adam paıda bolǵan kezde júrgizýshi shara qabyldaýǵa úlgermeýi múmkin. Júrip kele jatqankóliktiń joq ekendigine anyq kóz jetkizińiz. Jasóspirimderdiń kóbi qulaqtaryna tyńdaýyshtaǵyp, bas kıimin kımeı, kapıýshon jaýyp júredi. Osylaısha, jaqyndaǵan kólikti baıqamaı, estimeıqalýy múmkin. Joldy osylaı kesip ótetin adamómirine qaýipti», - deıdi SQO Polısııa departamenti Jergilikti polısııa qyzmeti basqarmasynyń aǵa ınspektory, polısııa kapıtany Azamat Jamuqov.