Demalys kúnderi Soltústik Qazaqstan oblysynda bolǵan qatty boranda patrýldik polıseıler men TJ qutqarýshylarynyń jumysy qyza tústi, dep habarlaıdy Egemen.kz
Aýa raıynyń qolaısyzdyǵyna baılanysty barlyq kólik túrleri úshin respýblıkalyq mańyzy bar bes avtojol jáne oblystyq mańyzy bar barlyq avtojoldar jabylǵanymen jolǵa shyǵyp ketkender kóp bolǵan.
«Qozǵalysty shekteý kezeńinde Tótenshe jaǵdaılar qyzmetimen birlesip, qar qursaýynan 62 adam men 22 tehnıka shyǵaryldy», deıdi SQO Polısııa departamenti patrýldik polısııa batalonynyń komandıri, polısııa podpolkovnıgi Erlan Mádıev.
Máselen, jeksenbige qaraǵan túni patrýldik polısııa batalonynyń qyzmetkerleri Ámirjan Toqqojın jáne Sergeı Polýıanov Mamlıýtka-Qostanaı avtojolynda kóktaıǵaq joldan shyǵyp ketken «Lada Kalina» jáne «VAZ 2110» kólikterin kóredi. Tártip saqshylary júrgizýshiler men jolaýshylardyń zardap shekpegenine kóz jetkizip, «Qazavtojol» JShS jol-paıdalaný ýchaskesiniń sheberi Vıktor Shýlepovke aıtyp, ol jeńil kólikti tirkemege alý úshin «ZıL-131» aýyr júk kóligin jiberedi.
Sóıtip, eki kólik te jolǵa shyǵaryldy.Soltústik Qazaqstan oblysy