SQO Mamlıýt aýdanynyń turǵyny PB shaǵym jasap, óziniń ınternet alaıaqtarǵa aldanyp, 180 myń teńgesinen aıyrylyp qalǵanyn aıtqan. Aýdan turǵyny ınternetten «Mazda» avtokóliginiń qozǵaltqyshy men berilis qoraby satylatyny týraly habarlandyrý oqyp, oǵan habarlasqan.
«Satýshynyń» qosalqy bólshekter bes kúnde jetedi degen sózine senip, aldyn ala tólem jasaǵan. Osydan keıin qaskóımen aradaǵy baılanys úzilip, qońyraýǵa jaýap berilmegen.
Atalǵan fakti Qylmystyq kodekstiń 190-baby - «alaıaqtyq» boıynsha Sotqa deıingi tergep-tekserýlerdiń biryńǵaı tizilimine engizilip, jedel-izdestirý is-sharalary barysynda aýdannyń PB qyzmetkerleri bul iske Almaty qalasynyń 30 jastaǵy turǵynynyń qatysy baryn anyqtady. Ol jedel ýákilderdiń ońtústik astanaǵa qyzmettik issapary barysynda ustaldy.
«Polısııa BAQ pen áleýmettik jelilerdiń paraqshalarynda túsindirý jumystaryn júrgizýde jáne adamdarǵa ınternet-alaıaqtardyń negizgi shemalaryn aıtyp otyramyz, — deıdi Mamlıýt aýdanynyń PB bastyǵy, polısııa podpolkovnıgi Serik Áljanov.