Búgin Ortalyq kommýnıkasııalar qyzmetinde QR Densaýlyq saqtaý vıse-mınıstri Ajar Ǵınııat Qazaqstanda qashannan bastap medısınalyq maskasyz júrýge bolatynyn aıtty, dep habarlaıdy Egemen.kz
«Qazirgi kezde elimizde reseılik «Spýtnık V» vaksııanasyn egý júrip jatyr. Aldaǵy ýaqytta qazaqstandyq vaksına bolady. Otandyq vaksına klınıkalyq zertteýlerden ótip jatyr», dedi vıse-mınıstr tilshiler saýalyna jaýap bere otyryp.
Sonymen qatar A. Ǵınııat qazirgi ýaqytta Pfizer vaksınasyn Qazaqstanǵa alyp kelý týraly naqty kelissózder júrgizilmegenin jetkizdi. Vıse-mınıstr vaksına qoıylǵan jaǵdaıda maskasyz júrý múmkindigi týraly qoıylǵan suraqqa jaýap berdi.
«Halyqtyń ortasynda ujymdyq ımmýnıtet qalyptaspaı, halyqtyń 60 paıyzdan astamy vaksınalaýdan ótpeı, maskany sheshýge bolmaıdy. Ujymdyq ımmýnıtet qalyptasqannan keıin ǵana maskasyz júrýge bolady», dedi Ajar Ǵınııat.