SQO Qyzyljar aýdany Sokolov kentindegi «Dızel» JShS qoımasyna qulpyn buzyp jeltoqsan aıynyń ortasynda ury túsken edi, dep habarlaıdy Egemen.kz
Qaskúnem qymbat stanoktardyń qurylǵylaryn, elektrmotordy, túrli markaly kabel symdaryn qoldy etken. Sehqa ornatylǵan beınebaqylaý júıesin de isten shyǵarǵan, beınetirkeýish joǵalǵan.
Sol urlyq jýyrda Sokolov kenti polısııa bólimshesiniń jáne Qyzyljar aýdanynyń PB krımınaldyq polısııa bóliminiń kúshimen ashyldy. Ony istegen Sokolov kentiniń 1995 jylǵy turǵyny ustaldy. Ol jalǵa alynǵan kórshi sehta jumys istep, buryn da urlyq qylyp, jumystan qýylǵan eken. Elektrqurylǵylarymen jumys isteýdi jaqsy meńgergen.
Ury kinásin moıyndady. Qyzyljar aýdany PB bastyǵynyń orynbasary polısııa maıory Bahtııar Esimov onyń ústinen qylmysty is qozǵalyp, Sotqa deıingi tergep-tekserýlerdiń biryńǵaı tizilimine engizilgenin aıtty. Uryǵa qatysty kelýi týraly mindetteme túrindegi bultartpaý sharasy qabyldandy. Urlanǵan zattardyń bir bóligi ıesine qaıtaryldy.