Qylmystyq-atqarý júıesin damytýdyń 2019-2023 jyldarǵa arnalǵan Jol kartasyn iske asyrý sheńberinde Qyzylorda oblysy boıynsha QAJ mekemelerinde sottalǵandardyń quqyqtyq jáne ustaý jaǵdaıyn jaqsartýǵa, sıfrlandyrýǵa jáne júıeniń ashyqtyǵyna baǵyttalǵan birqatar jumystar atqarylyp jatyr, dep habarlaıdy Egemen.kz
Jýyrda tergeý ızolıatory men túzeý mekemelerindegi sottalǵandardyń aryz-shaǵymdaryn, ótinishterin saýsaq tańbasynyń kómegimen ókiletti organǵa jóneltetin elektrondy termınaldar ornatyldy. Qazir mekemelerdegi barlyq sottalǵandarǵa termınaldy paıdalaný boıynsha oqytý júrgizildi.
Osy elektrondy termınal arqyly sottalýshy nemese aıyptalýshy azamattar óziniń jeke isi boıynsha tikeleı sotqa, prokýratýraǵa jáne Sybaılas jemqorlyqqa qarsy qyzmetke aryz-shaǵym jasaı alady. Ol úshin aldymen, sottalǵan aryz-shaǵym nemese ótinish hat bergen termınaldan sandyq túbirtegin alady. Bul túbirtek onyń ótinishin, aryzyn qaraý kezegi bolyp sanalady.