Memlekettik kirister komıteti 2021 jyldyń 18 aqpanda EAEO elderinen, memlekettik shekarany kesip ótý kezinde rastalmaǵan ımport boıynsha taýarlarǵa ilespe júkqujattardy (TIJ) rastaý prosesin ońtaılandyrýǵa múmkindik beretin, Telegram messendjerinde chat-bot iske qosylǵanyn habarlady.
Taýarlarǵa ilespe júkqujattardy rastaý úshin málimetter jiberilgen kezde, chat-bot taýarlardy ákelý júzege asyrylǵan ótkizý pýnktiniń qyzmetkerlerine derekterdi avtomatty túrde qaıta jiberedi.
Taýarlarǵa ilespe júkqujattardy Memlekettik kirister organdarynyń qyzmetkeri rastaǵan sátte, chat-botqa rastaý týraly habarlama keledi.
«Telegram messendjerindegi chat-botqa qosylý úshin @snt-approval_bot heshtegin terip, jumysty bastaý jáne chat-bottyń suraýlaryn oryndaý qajet», dep tolyqtyrdy Memlekettik kirister komıtetinde.