Shymkentte «Ońtústik» arnaıy ekonomıkalyq aımaǵynyń aýmaǵynda «LUX Shoes» BK» JShS tabıǵı bylǵarydan aıaq kıim shyǵaratyn fabrıka jumys isteıdi.
Aıaq kıim isiniń sheberi Ǵaırat Hasanbaev áýeli aıaq kıim satý bıznesimen aınalysty. Qala bazarlarynda aıaq kıim satý boıynsha 15 jyl tájirıbesi bar. Sodan son aıaq kıim óndirisin iske qosý kerek degen sheshimge keldi. Bastaǵan isi tabysty júrgendikten, óz brendin tirkep, oǵan patent alady.
«Lux Shoes» -diń óndiris qýaty jylyna 120 myń jup aıaq kıim. Aıaq kıimniń barlyq úlgileri tabıǵı bylǵarydan jasalǵan, qajetti qasıetterge ıe: jylýdy jaqsy saqtaıdy, bý jáne ylǵal ótkizbeıdi, terdiń áserine tózimdi, jaqsy sińedi jáne artyq ylǵal beredi.
Aıaq kıim óndirý kezinde túrik úlgileri qoldanylǵanymen, modelder sol jerde jasalady. Sonymen qatar, «Lux Shoes» brendiniń aıaq kıimi túrik analogtarynan arzan. Kásiporynda «FANTES» jáne «COMELZ» markaly túrik jabdyǵy ornatylǵan.
«LUX Shoes» BK» JShS fabrıkaǵa qajetti qural-jabdyqtar satyp alý úshin «Qarapaıym zattar ekonomıkasy» basym jobalardy nesıeleýdiń memlekettik baǵdarlamasynyń birinshi qatysýshysy boldy. Baǵdarlama aıasynda jobany «ATF Bank» AQ 15% - ben qarjylandyrdy. 9 %-yn «Damý» Qory sýbsıdııalaıdy. Qalǵan 6% - y nesıeni paıdalanǵany úshin kásipkerdiń ózi tóleıdi.
Kásiporynnyń mańyzdy maqsattarynyń biri – Orta Azııa elderinde ónimdi ótkizý naryǵynda úzdik shyǵý. Sondaı-aq Qazaqstannyń eń úzdik básekege qabiletti kásiporyndarynyń qataryna kirýdi maqsat etip otyr.