Nur-Sultanda sý tasqynyna qarsy is-sharalar kúsheıtildi. Aryq-naýa jelilerin, nóser kárizi júıesin tazartý, sol sııaqty nóser kárizderi men tazartý qurylystaryn salý, qorǵaý bógetin rekonstrýksııalaý sekildi is-sharalardyń keshendi jospary bekitildi, dep habarlaıdy Egemen.kz
Qalada sý tasqynynyń qaýpi bar ýchaskeler sany ótken jyldarmen salystyrǵanda 8 ýchaskege azaıdy. Sý tasqynyna qarsy is-sharalar ákimdikte ótken keńeste talqylandy. Jıynǵa TJD, «Qazsýshar» RMK, «Qazgıdromet» RMK ókilderi, vedomstvolyq baǵynysty qurylymdyq bólimsheler jáne t.b. qatysty.
Osylaısha, Astana sý qoımasynyń josparly jumys kestesi bekitildi. О́tken jyldyń kúzinen bastap Ekologııa, geologııa jáne tabıǵı resýrstar mınıstrligi sý jınaıtyn qurylǵysy bar qorǵanys bógetin qaıta qurý boıynsha qurylys-montaj jumystaryn júrgizýde. Bul rettegishtiń ótkizý qabiletin arttyrady.
Sý tasqynynyń aldyn alý jáne saldaryn joıý úshin ınertti materıaldar qory daıyndaldy. Azamattyq qorǵaý organdary, kommýnaldyq qyzmetter turaqty daıyndyqqa keltirildi.
Qardy ýaqytyly tazalaý erekshe baqylaýǵa alyndy. Búgingi tańda qala aýmaǵynan 2,6 mln tekshe metrden astam qar shyǵaryldy. Kún saıyn qalany sanıtarlyq tazalaýǵa 1100 birlik arnaıy tehnıka men 2 myń jol jumysshy shyǵady.
«Qazgıdromet» RMK derekteri boıynsha topyraqtyń qatý tereńdigi 73 sm quraıdy, bul ótken jyldyń sáıkes kezeńimen salystyrǵanda 40%-ǵa artyq.
Elorda ákimi Altaı Kólginov qorǵanys bógetin qaıta qurý boıynsha Kontrrettegishte júrgizilip jatqan jumystardy erekshe baqylaýǵa alýdy, Maıbalyq kólinen Nura-Esil arnasyna deıingi aralyqta tazartý jumystaryn bastaýdy, turǵyn úı alaptaryna erekshe nazar aýdarýdy tapsyrdy.
«О́tken jyly jaýyn-shashyn kóp boldy, sý tasqynyna qarsy is-sharalar boıynsha úlken jumystar júrgizilip, sý basýdyń aldyn aldy. Bıyl jer qyrtysynyń qatýy tereńirek ekenin eskerý qajet. Sondyqtan sý basý qaýpin azaıtý qajet. Qalanyń turǵyn úı alaptaryna erekshe nazar aýdarý kerek», - dep atap ótti elorda ákimi.