ShQO Sybaılas jemqorlyqqa qarsy qyzmetiniń basshysy E.N. Jalmaǵambet «QR AShM Veterınarlyq baqylaý jáne qadaǵalaý komıtetiniń ShQO aýmaqtyq ınspeksııasy» MM qyzmetkerlerimen onlaın-keńes ótkizdi, dep habarlaıdy Egemen.kz
Keńes barysynda «QR AShM Veterınarlyq baqylaý jáne qadaǵalaý komıtetiniń ShQO aýmaqtyq ınspeksııasy» MM laýazymdy tulǵasyna qatysty azamat T-ny aýmaqtyq ınspeksııanyń bas mamany laýazymyna jáne óziniń týysynyń deldaldyǵy arqyly jalpy qamqorlyǵymen jumysqa ornalastyrǵany úshin para alý faktisi boıynsha qylmystyq is boıynsha QIJK-niń 200-baby tártibinde engizilgen usynym qaraldy. Qylmystyq is sotta qaralýda.
Budan basqa, aýmaqtyq ınspeksııa sybaılas jemqorlyqqa qarsy mádenıetti qalyptastyrý, sybaılas jemqorlyqtyń aldyn alý úshin sybaılas jemqorlyqqa qarsy standarttardy engizý boıynsha pármendi jáne tıimdi jumysty qamtamasyz etpegen, sybaılas jemqorlyq táýekelderin anyqtaý boıynsha sybaılas jemqorlyqqa qarsy monıtorıngtiń tetikteri iske qosylmaǵan.
Sybaılas jemqorlyq kórinisterin boldyrmaý maqsatynda ShQO sybaılas jemqorlyqqa qarsy qyzmeti «QR AShM Veterınarııalyq baqylaý jáne qadaǵalaý komıtetiniń ShQO aýmaqtyq ınspeksııasy» MM-ne atalǵan quqyq buzýshylyqtardy jasaýǵa yqpal etken sebepterdi joıý boıynsha tıisti usynymdar engizdi.
Profılaktıkalyq jumysty kúsheıtý sheńberinde osyndaı usynystar árbir qylmystyq is boıynsha engiziledi jáne qylmys jasaǵan laýazymdy adam tikeleı jumys istegen memlekettik organdardyń eńbek ujymdarynda qaralady.
Sybaılas jemqorlyq faktileri týraly kez kelgen azamat 24/7 rejıminde jumys isteıtin «1424» Call-ortalyǵy arqyly sybaılas jemqorlyqqa qarsy qyzmetke habarlaı alady.