Túrkistan oblysynda aýa-raıynyń kúrt ózgerýine baılanysty KH-2 «Ulanbel-Sozaq-Ekpindi» tasjoly jabylǵan. Degenmen jolǵa shyqqan Shymkent – Stepnoı baǵytyndaǵy avtobýs jáne basqa da avtokólikter qar qursaýynda qalǵan.
Shaıan – Sholaqqorǵan arasynda Taskómirsaı aýylynan shamamen 15 shaqyrym qashyqtyqta qar qursaýynda qalǵan jolaýshylarǵa kómek kórsetildi. Oqıǵa ornyna Túrkistan oblysy Tótenshe jaǵdaılar departamentinen 6 qyzmetker, 2 tehnıka jumyldyrylǵan. Departament mamandarynyń málimetinshe, 5 jeńil avtokólik jáne avtobýsta 50 jolaýshy, onyń ishinde 3 bala bolǵan. Qar qursaýynda qalǵan jolaýshylarǵa kómek kórsetilip, Sholaqqorǵan aýylyna jetkizildi.