Karantınge baılanysty Aqmola oblysynda sottalǵandar endi jaqyndarymen kezdesýdiń ornyna 2 saǵattyq beınebaılanys jasaıdy.
Qazaqstan Respýblıkasynyń kóptegen mekemelerindegideı, Aqmola oblysy boıynsha QAJD ES-166/25-te karantınge baılanysty týystarymen uzaq jáne qysqa merzimdi kezdesýlerge tyıym salynady.
«Búgingi kúnge deıin sottalǵandarǵa QR QAK 109-babyna sáıkes uzaqtyǵy 15 mınýttan aspaıtyn taksofon boıynsha beıneqońyraýlar men qońyraýlar qoljetimdi boldy. Endi sottalǵandardyń jaqyndarymen beıneqońyraý arqyly eki saǵat sóılesýge múmkindigi bar», dep atap ótti Aqmola QAJD baspasóz hatshysy Irına Gornova.
Prosedýranyń qoljetimdi bolýy úshin sottalýshy qysqa kezdesýdi 2 saǵattyq beıneqońyraýǵa aýystyrý týraly ótinish jazýy kerek.
«Árıne, bul shynaıy kezdesýdi almastyra amaıdy, biraq týystarymyz bul KVI-diń aldyn alýǵa jáne taralýyna jol bermeýge baılanysty shekteý sharalary ekenin túsinedi. Al beıneqońyraý arqyly sóılesý bizge kem degende biraz ýaqyt otbasymyzdyń ortasynda bolýǵa múmkindik beredi», dep qosty sottalǵan Erlan.