Qostanaı oblysynda 1 aqpanda medısına qyzmetkerlerine vaksına egý bastalǵan edi, araǵa bir aı salyp, polıseıler men muǵalimderge de kezek kelip jetti, dep habarlaıdy Egemen.kz.
Atalǵan eki salanyń qyzmetkerlerine naýryzdyń birinen bastap ekpe júrip jatyr. Pedagogtar arasynan alǵashqylardyń biri bolyp oblystyq bilim basqarmasynyń basshysy Záýre Báımenova ekpe saldyrdy.
- Koronavırýstyq ınfeksııany jeńýdiń jalǵyz joly – ekpe saldyrtý. Vaksınasııany óte uzaq kúttik, endi bizdiń áriptesterimiz qoldaıdy dep úmittenemin. Vaksınasııa saldyrtý árkimniń óz erkindegi sharýa, eshkim eshkimdi májbúrlemeıdi. Alaıda bizdiń mindetimiz sala basshysy retinde túsindirý jumystaryn júrgizý, - dedi basqarma basshysy.