12 naýryzda túngi saǵat 3:30 shamasynda Qyzylorda oblysy Jalaǵash aýdanynyń polısııa bólimine kenttegi dúkenderdiń birinde belgisiz adamdardyń júrgeni týraly habarlama túsken.
Oqıǵa ornyna dereý jetken jedel-tergeý toby dúkenniń shatyry arqyly ishine túsip, «Kaspıı bank» termınaldaryn bolgarka arasymen kesip jatqan eki azamat ustaldy. Olardyń 34 jáne 42 jastaǵy kent turǵyndary ekeni belgili boldy.
Kúdiktiler ýaqytsha ustaý ızolıatoryna qamaldy. Oqıǵa ornynan zattaı dálel retinde qylmys quraldary alyndy.
Atalǵan derek boıynsha Qazaqstan Respýblıkasy Qylmystyq kodeksiniń 24 babynyń 3 bóligine jáne 188-3 baptyń 3 bóligine sáıkes (Urlyqqa oqtalý) sotqa deıingi tergep-tekserý amaldary júrgizilýde. Oqıǵanyń mán-jaıy anyqtalýda.