Qazaq KSR-iniń eńbek sińirgen sáýletshisi, Eltańba avtory Shot-Aman Ýálıhanov 89 jasqa qaraǵan shaǵynda ómirden ozdy, dep habarlaıdy Egemen.kz
Sáýletshiniń qaıtys bolǵany týraly Mádenıet jáne sport mınıstri Aqtoty Raıymqulova jelidegi paraqshasynda estirtti.
«Shot-Aman Ýálıhanovtyń otbasy men týǵan-týystaryna! Qazaqstan Respýblıkasy Mədenıet jəne sport mınıstrliginiń atynan kórnekti sáýletshi, professor, Qazaqstannyń eńbek sińirgen qaıratkeri, «Qurmet», «Parasat», «Otan», «Dańq» ordeniniń ıegeri, Qazaqstan Respýblıkasy memlekettik Eltańbasynyń avtory, Təýelsiz «Tarlan» syılyǵynyń laýreaty, QR səýletshiler, dızaınerler, jazýshylar sýretshiler odaǵynyń múshesi, búkilálemdik Shyńǵys han akademııasynyń, Shyǵys elderi Halyqaralyq sáýlet akademııasynyń, halyqaralyq səýlet akademııasynyń akademıgi (Reseı Federasııasy) Shot-Aman Ydyrysuly Ýálıhanovtyń qaıtys bolýyna baılanysty otbasy men jaqyndarynyń qaıǵysyna ortaqtasyp, kóńil aıtamyn. (...) Ǵıbratty azamattyń asyl beınesi, eren eńbegi týǵan-týys pen qalyń qazaqtyń kóńil tóri men júrek túkpirinde məńgi saqtalady. Marqumnyń kózi tirisinde jasaǵan ıgi-jaqsy amaldary aldynan jarylqasyn. Jatqan jeri jaıly, topyraǵy torqa, aldy peıish, arty kenish bolsyn», dep jazdy mınıstr Instagram jelisindegi paraqshasynda.