Oblystyń bas memlekettik sanıtar dárigeri Mádenıet Tanaýov koronavırýs ınfeksııasy órshýiniń birneshe sebebin atady, dep habarlaıdy Egemen.kz.
Bas sanıtar dárigerdiń málimetine súıensek, qaýipti vırýs naýqaspen jaqyn qarym-qatynasta bolýdan 22,5%, qoǵamdyq kólikte júrýmen baılanysty 7,2%, adamdar kóp jınalatyn oryndarǵa barǵannan 26,9% artqan. Al vahtalyq kentterde jumys isteıtinder arasynda, turatyn jerinde juqtyrý 43% qurap otyr.
«Jyl basynan beri 6546 reıdtik tekserý ótkizilip, 27296 nysan qamtyldy. Monıtorıngtik toptar 213 quqyq buzýshylyqty anyqtady. Al naýryzda anyqtalǵan 64 buzýshylyqqa qatysty shaǵyn jáne orta bıznes nysandaryna, jeke tulǵalarǵa 3 mln 853 myń teńgeniń 49 aıyppuly salyndy. Bul aıda adamdardyń otbasylyq sharalarǵa kóptep qatysýynan koronavırýs ınfeksııasy 18 paıyzdan 26,9 paıyzǵa joǵarylady», deıdi Mádenıet Tanaýov.
Osyǵan oraı oblys ákimi Mahambet Dosmuhambetov saqtyq sharalaryn kúsheıtip, baqylaýdy kúsheıtýdi tapsyrdy.
«Jaǵdaıdy qatań baqylaýda ustaý kerek. Qajet bolǵan jaǵdaıda belgilenge algorıtmge saı saqtyq sharalaryn kúsheıtýdi tapsyramyn. Árıne, óndiristi, shaǵyn jáne orta bıznesti órkendetý qajet. Alaıda adam densaýlyǵy basty orynda ekeni basty nazarda bolǵany jón», dedi Mahambet Dosmuhambetov.