Ishki ister mınıstriniń keńesshisi, polısııa general-maıory О́mirzaq Bolsambekov SQO polısııa ardagerlerimen kezdesti. Polısııa departamentiniń bastyǵy, polısııa polkovnıgi Marat Tólebaev, oblystyq jáne qalalyq ardagerler uıymdarynyń tóraǵalary Eskendir Eleýsizov pen Jangeldi Tájın qatysqan kezdesýde aqsaqaldar men IIO men Ulttyq ulan oblystyq ardagerler uıymy jumysynyń qorytyndysy talqylandy, sondaı-aq Keńestiń jańa tóraǵasy saılandy, dep habarlaıdy Egemen.kz.
Búgingi tańda oblystyń 20 bastapqy ardagerler uıymynda 2350 zeınetker bar, olardyń ishinde: 2 – Uly Otan soǵysyna qatysýshy, 15 tyl eńbekkeri, 25 aýǵan jaýyngeri. Belsendi ardagerler jastarǵa patrıottyq tárbıe berý jumystary men qamqorlyq jasaý isine únemi qatysyp turady.
Kezdesýde Ardagerler keńesiniń jańa tóraǵasy saılandy. Aty ańyzǵa aınalǵan, 85 jastaǵy mılısııa podpolkovnıgi Suraǵan Kópeev – soltústikqazaqstandyq polısııa tarıhynda Petropavl qalasynyń Qurmetti azamaty atanǵan alǵashqy polıseı. 2005 jylǵy qyrkúıek aıynan Ardagerler keńesin basqaryp keldi. Jasyna baılanysty aqsaqal qurmetti demalysqa shyǵýǵa májbúr boldy. Daýys berýdiń qorytyndysy boıynsha, SQO Ulttyq ulany jáne IIO Ardagerler keńesiniń jańa tóraǵasy bolyp Aqan Syzdyqov taǵaıyndaldy. Polısııa polkovnıgi Syzdyqov Táýelsiz Qazaqstannyń polısııasy qalyptasyp kele jatqan qıyn shaqta kóp jyldar boıy oblystyq polısııanyń jetekshi bólinisteriniń biri bolyp tabylatyn – Jedel-krımınalıstıkalyq basqarmasyn basqarǵan.
Jıyn ardagerlerdi medaldarmen jáne Alǵys hattarmen marapattaý rásimimen aıaqtaldy.